62
REGISTRES DU BUREAU
[i546]
Chardon, Thibault Haultement, Nicolas Viellart, bourgoys de lad. Ville.
En laquelle assemblée, mond. sr le Prevost des Marchans a recité que le Roy nostre sire luy avoit, dès le vendredi derrenier, envoyé une lettres patentes et missives, à luy adressans, pour faire le depparte­ment et contraindre les Villes closes de lad. Pre­vosté à imposer sur eulx, le fort porlant le foible, ou lever par aydes la somme de mr" x* livres tournois pour les causes cy dessus, et qu'il auroit presenté lesd, lettres, dès led. jour de vendredi, à lad. Ville, qui auroit incontinant envoyé mandemens à Mess" les Conseillers d'icelle, pour aviser qu'il estoit bon de faire et quelle responce on de voit rendre au Roy; les­quelz auroient conclud et advisé, dimenche dernier'1), qu'on debvoit faire la presente assemblée, pour faire entendre les affaires de lad. Ville et donner avis si on debvoit accorder lad. somme et les moyens, et aussi si on debvoit refformer l'adresse desd, lettres. Après ce que mond. sr le Prevost des Marchans leur a particulierement demandé à chascun leur avis et oppinyon. ont tous emsemble conclud, advisé et de­liberé qu'on doibt bien expressement aller vers la personne du Roy nostre sire, incontinant qu'il sera arrivé en ceste Ville et qu'on aura accès et opportu­nité de parler à luy, luy remonstrer très humble­ment que sa ville de Paris, en laquelle habite la fleur de ses loyaulx subgetz, a aussi bon cœur et voulloir de luy obeyr de corps et de biens qu'elle eust jamais, si elle en avoit la puissance. Mais au moyen des guerres qui ont regne par cy devant, comme à present, et des gros deniers qui ont esté prins en icelle extraordinairement, à son commande­ment, des redevances én quoy elle est [tenue] envers
aucuns particuliers pour son secours; et que on ne peult trouver moyen de recouvrer, ne satisfaireau reste des mi11»! escuz etdes vi"m livres tournois,à luy four-nyz ès années v° xliiii et xlv dernieres passées, de la peste qui a resgné en lad. Ville, des grosses imposi­tions qui sont en icelles sur toutes marchandises, principallement sur les vivres, de la charte et steri­lité du temps et des vivres, de l'absence et ruyne des gros marchans qui y soulloient habiter et de­mourer, des riches previllegiez qui ne payent riens, et des povres habitans et artisans qui n'ont rien et ne pevent à grande peyne gaigner leur vie, sinon au jour la journée, ainsi qu'on veoit ocullairement et que chascun scet; le prier très humblement et affectueusement estandre sa miséricordieuse pitié sur ses loyaulx subgetz et povres habitans de Paris qui ont tousjours faict ce qu'ilz ont peu, jusques à present qu'ilz sont en telle agonye et extremité de povreté qui leur seroit impossible trouver lad. somme, sans leur totale ruyne et destruction ; et qu'il luy plaise les traicter comme sa famille, en usant envers eulx de son cueur tousjours royal et amyable, en leur remectant et quictant, quanta pre­sent, lad. somme pour la neccessité dessusdicte, ou à tout le moings la moderer et faire quequesoit payer les previllegiez, exemptez par lesd, lettres, qui sont les plus riches de lad. Ville, et autres remonstrances qu'on verra estre veritables.
Et pour ce faire ont esté esleuz par tous les des-susdictz, c'est assavoir: Monsr d'Athis'"2), Conseiller dud. seigneur en sa court de Parlement, et Monsr maistre Jacques Aubery, Eschevin de lad. Ville, avec aucuns Quarteniers et bourgeois qui seront choisys par Mess" du Bureau d'icelle Ville.
LXXXIII [XXXII]. — Pour les iiii" x" livres tournois.
29 mars 1546. (Fol. 36 v°.)
Du lundi, xxixe jour de Mars mil cinq cens qua­rante cinq.
En assemblée le jourd'uy faicte, en l'Ostel de la Ville de Paris, de Mess" les Prevost des Marchans, Eschevins, Conseillers, Quarteniers et quatre no­tables bourgeois de lad. Ville, mandez avec les de­puttez des courts de Parlement, Chambre des
Comptes et Generaulx de la Justice des Aydes, priez de par lad. Ville, pour y assister et donner leur avis sur la responce de Mess" d'Athis et Aubry, depput-tez par la derniere assemblée generalle à aller vers le Roy faire les remonstrances pour le faict des im" x" livres tournois, demandez par led. seigneur à lad. Ville, en ceste presente année, pour lefaict de
'1) C'est une séance dont le procès-verbal n'a pas été conservé.
'-) Pierre Viole, seigneur d'Athis-sur-Orge (Seine-et-Oise), Conseiller au Parlement de Paris depuis le 7 janvier 1522, avait été Prévôt des Marchands en i532-i533. On a vu ci-dessus (p. 11, n° XIII) quîl avait été chargé d'une commission semblable à celle-ci, le ier juillet i54o. La généalogie de la famille Viole a été imprimée dans VHistoire du Gâtinais de dom Guillaume Morin, Paris, Che­valier, i63o, in-40, p. 46i.